မျိုးတို့ တဆက်ပြီး တဆက်
ကိုကိုးကျွန်းသို့ပို့ခံခဲ့ရခြင်း၊ ကျွန်းမှလွတ်မြောက်ရေးအတွက် ကြိုးစားရုန်းကန်ခြင်း မှတ်တမ်းကို ပြန်လည်ရေးသားရာတွင် ကိုကိုးကျွန်း၏နိုင်ငံရေးဘဝ၊ ကိုကိုးကျွန်း ၏ရှုပ်ထွေးသော နိုင်ငံရေးဆက်ဆံမှု၊ ကိုကိုးကျွန်း၏ နိုင်ငံရေး တိုက်ပွဲများ၊ ပါတီတွင်းတိုက်ပွဲများ၊ ကိုကိုးကျွန်း၏ နိုင်ငံရေးအကျဉ်းစခန်း တခုလုံး၏ အခြေအနေ အစိတ်အပိုင်းမျှသာ ရှိပါသေးသည်။
ကိုကိုးကျွန်း နိုင်ငံရေးအကျဉ်းစခန်းတခုလုံး၏ အခြေအနေ၊ အဖြစ်အပျက်များကို အခြားခြားသော ကျွန်းပို့ခံရသည့် ဘဝတူများက ၎င်းတို့အသီးသီး၏ ပါဝင်လှုပ်ရှားခဲ့သော အခန်းကဏ္ဍများသည်လည်း ကိုယ်စီကိုယ်ငှ ရှိကြပါသည်။ ဤအဖြစ်အပျက်၊ ဤမှတ်တမ်းတို့သည်လည်း စစ်အာဏာရှင်စနစ် လုံးဝ ကျဆုံးပြီးမှသာလျှင် တိုင်းပြည်သို့ ပြည်သူများထံသို့ တင်ပြနိုင်ကြမည်ဖြစ်ပါသည်။
ကျနော်တို့ ကျွန်းမှထွက်ပြေးခဲ့ပြီးနောက်ပိုင်းတွင် အစာငတ်ခံတိုက်ပွဲကြီး ၂ ပွဲ ထပ်မံဖြစ်ပွားခဲ့ပါသေးသည်။ ရက် ၅၀ အကြာ အစာငတ်ခံတိုက်ပွဲ၊ ၅၂ ရက်ကြာ ကိုကိုးကျွန်း အကျဉ်းစခန်းဖျက်သိမ်းရေး၊ ပြည်မ သို့ပြန်ပို့ရေး စတုတ္ထအကြိမ် အစာငတ်ခံတိုက်ပွဲကြီးများ ဖြစ်ပျက်ခဲ့ပါသည်။
ကိုကိုးကျွန်း အကျဉ်းစခန်းဖျက်သိမ်းရေးတိုက်ပွဲသည် မြန်မာပြည်အကျဉ်းထောင် သမိုင်းတွင် အစာငတ်ခံတိုက်ပွဲဝင် ရဲဘော်ဦးရေ အများဆုံးနှင့် စုစည်းညီညွတ်စွာ တိုက်ပွဲဝင်ခဲ့မှုသည်။ မြန်မာပြည် အကျဉ်းထောင် တိုက်ပွဲသမိုင်းတွင် ဤတကြိမ် သာရှိခဲ့ဖူးပါသည်။
ကိုကိုးကျွန်း နိုင်ငံရေးအကျဉ်းစခန်း ဖျက်သိမ်းရေးတိုက်ပွဲတွင် ကျွန်းအာဇာနည် သူရဲကောင်း ၈ ဦး ရဲရင့်ပြတ်သားစွာ အသက်ပေးလှူ တိုက်ပွဲဝင်ခဲ့ကြပေသည်။ ဥပမာအားဖြင့် ကျွန်းဖျက်သိမ်းရေးတိုက်ပွဲ အာဇာနည် ၈ ဦးထဲမှ တဦးဖြစ်သူ ရဲဘော်ကိုလတ်သည် ကျဆုံးခါနီးအချိန်တွင် ညာဘက်လက်ကို ဖြည်းညင်းစွာ အားယူမြောက်ပြီး နောက်ဆုံး အလေးပြုသွားခဲ့သည်။
တပြိုင်နက်တည်းမှာပင် သူ၏ ဦးခေါင်းသည် ခေါင်းငိုက်ကျသွားပြီး အသက်ဝိဉာဉ် စွန့်သွားခဲ့လေသည်။ ဤသူရဲကောင်းများသည် သေရွာသွားသည်ကို အိမ်ပြန်သည့် အလား တည်ငြိမ်အေးဆေးစွာ ရပ်တည် တိုက်ပွဲဝင်သွားခဲ့ကြပေသည်။
ဤကျွန်းဖျက်သိမ်းရေးတိုက်ပွဲတွင် ကျောင်းသားလူငယ်များ၊ အလုပ်သမားများ၊ အမှုထမ်းများ၊ ဗမာ့တပ်မတော်မှ တော်လှန်သည့် ရဲဘော်များ စသည်ဖြင့် လူတန်းစားပေါင်းစုံ စုစည်းညီညွတ်စွာ တိုက်ပွဲဝင်ခဲ့ကြပေသည်။
မဆလ စစ်အစိုးရသည် ကိုကိုးကျွန်းအကျဉ်းစခန်းကို ဖျက်သိမ်းခဲ့ရပြီး နိုင်ငံရေးအကျဉ်းများကို ပြည်မသို့ ပြန်ခေါ်ခဲ့ရပေသည်။ ကျနော်တို့သည် ရန်သူ၏ ဖိနှိပ်ညှဉ်းပန်းမှုအောက်မှ လွတ်မြောက်ရေးအတွက် ရုန်းကန်တိုက်ပွဲဝင်ရာတွင် ကျနော် ငယ်ရွယ်နုပျိုသောဘဝတွင် လူငယ်တယောက်၏ အားမာန်၊ ဇွဲသတ္တိ၊ လုံ့လ ဝီရိယ စသည့် ရှေးအစဉ်အဆက်သော လူငယ်၏ ကောင်းမြတ်သော သဘာဝအတိုင်း ကျနော်၏ ကိုယ်စွမ်း ဉာဏ်စွမ်းရှိသရွေ့ အမျိုးသားအတွက်၊ ပြည်သူအတွက်၊ တော်လှန်ရေးအတွက် အလုပ်အကျွေးပြုခဲ့ပါသည်။
ဗမာပြည် စစ်အာဏာရှင်စနစ်ကြီးစိုးမှု ကျဆုံးရေးအတွက် တိုက်ပွဲဝင်ရာတွင် မျိုးဆက်များ တဆက်ပြီးတဆက် တိုက်ပွဲအလံကို လက်ဆင့်ကမ်းသယ်ဆောင် တိုက်ပွဲဝင်ခဲ့ကြဝင်နေဆဲဖြစ်ပေသည်။
ကျနော်တို့မျိုးဆက် လွန်ခဲ့ပြီးနောက် ရှစ်လေးလုံး ဒီမိုကရေစီအရေးတော်ပုံ တိုက်ပွဲကြီးတွင် တပ်ဦးမှ ခွပ်ဒေါင်းအလံကို လွှင့်ထူချီတက် တိုက်ပွဲဝင်ခဲ့ပြီး ရဟန်း ရှင် လူ ပြည်သူတရပ်လုံးပါဝင်အောင် စည်းရုံး တိုက်ပွဲဝင်ခဲ့ကြသူများမှာလည်း ပျိုမျစ်လန်းဆန်း တက်ကြွသော မျိုးဆက်သစ် ကျောင်းသားလူငယ်များပင် ဖြစ်ပါသည်။
၈၈ မျိုးဆက် တိုက်ပွဲဝင်ရဲဘော်များနှင့် ကျနော်တို့သည် ယခုအချိန်တွင် စည်းစည်းလုံးလုံးဖြင့် စစ်အာဏာရှင်စနစ် တိုက်ဖျက်ရေးတိုက်ပွဲတွင် လက်တွဲ တိုက်ပွဲဝင်လျှက် ရှိနေကြပေသည်။
၈၈ မျိုးဆက်သစ် ကျောင်းသားလူငယ်များ၏တိုက်ပွဲသည် ဗမာပြည် တော်လှန်ရေးအား ကြီးမားစွာ အလုပ်အကျွေးပြုခဲ့ပါသည်။ ဤတိုက်ပွဲ၏ အကျိုးဆက်အဖြစ် တိုင်းရင်းသားအသီးသီးတို့၏ အမျိုးသားရေးတိုက်ပွဲနှင့် ဒီမိုကရေစီတိုက်ပွဲဝင် အင်အားစုကြီး ၂ ရပ် ပေါင်းစည်းပေးနိုင်ခဲ့ပေသည်။
အမျိုးသားလက်နက်ကိုင်တော်လှန်ရေးနှင့် ဒီမိုကရေစီတိုက်ပွဲဝင် အင်အားစုကြီး ၂ ရပ်၏ ပေါင်းစည်းနိုင်ရေးအတွက် ဆယ်စုနှစ် ၄ စုကြာမျှ ကြိုးပမ်းတိုက်ပွဲဝင် ခဲ့ရပေသည်။ အဆက်ဆက်သော ဖောက်ပြန်သည့် အုပ်စိုးသူများ၊ စစ်အာဏာရှင် များသည် တိုက်ပွဲဝင်အင်အားစုကြီး ၂ ရပ် ပေါင်းစည်းခြင်း မပြုနိုင်အောင် အင်အားကြီးမားစွာ ပိတ်ဆို့ခဲ့ပေသည်။
ဤတိုက်ပွဲဝင် အင်အားစုကြီး ၂ ရပ်အား ပေါင်းစည်းပေးနိုင်ခဲ့ခြင်းသည် မဝေးတော့သောတချိန်တွင် စစ်အာဏာရှင်စနစ် ကျဆုံးရတော့မည့် အခြေအနေသို့ ရောက်ရှိလာခဲ့ပေသည်။
တော်လှန်သည့် သူရဲကောင်းဝါဒ အဓွန့်ရှည်ပါစေ။ ။
ရဲဘော်ရှောင်း
